إذا كانت هذه أول مرة تزور موقعنا فلا تنسى عمل Like لايك لصفحتنا على الفيس بوك اضغط هنا

احمد شفيق : أنت وقح

Gharam elsawy الأحد، 20 مايو 2012 0 التعليقات
بقلم : وفاء إسماعيل 
عندما يخرج علينا الفريق احمد شفيق بكل وقاحة ( فى لقاء مع وائل الابراشى ) يهدد ويتوعد بسحق كل من يخرج للميدان احتجاجا على فوزه بمنصب الرئاسة .. فى هذه الحالة علينا أن نرد عليه بنفس الأسلوب الوقح الذى هدد به الشعب المصرى ..ونقول له : تهديدك لا ينم الا عن وقاحة وتناحة ولا يصدر الا من شخصية لا تعرف معنى الأدب والاحترام ..!!
بتهدد مين يا أبوالفلول ؟ بتهدد شعب خلعك ونحاك من منصبك ؟ بتهدد شعب رافضك انت وعصابات الفلول من وراءك ؟ وبتهددهم بمين .. بالمجلس العسكرى ولا بجيش مصر ؟ لو بالمجلس العسكرى فانت والمجلس العسكرى بإذن الله الى زوال وجميعكم ستحاكمون انتم ومن ناصركم وقدم لكم الدعم ..اما جيش مصر فانا اتحداك انت ومن معك لو استطعت تحريك كتيبة واحدة من الجيش لقتل شباب مصر ..مصيبتك الكبيرة يا شفيق انك فاكر ان الشعب اهبل ومش عارف ان اللى قتلوا الشباب فى محمد محمود وماسبيرو ومجلس الوزراء والعباسية ماهم الا مجموعة بلطجية مأجورين بزى عسكرى او مدنى ..وان المجلس بتاعك لا يجرؤ على تحريك اى قوة من قوات الجيش لاقحامهم فى معركة مع اهاليهم وناسهم ..مصيبتك الكبيرة انك فاكر ان يوم ما يتحرك الجيش علشان يقتل شعبه هو اليوم اللى كل ام ح تلعن فيه البطن اللى شالت وخلفت وربت واحد يقتل ناسه ..وهو اليوم اللى كل بيت ح يسحب فيه ابنه من الجيش ..وهو ايضا اليوم اللى ح ينقلب فيه الجيش كله على مجلسك وعليك وعلى اللى عملك مصرى 
ومصيبتك اكبر يوم ما تفتكر ان فوزك ح يكون بارادة شعبية ومش بالتزوير ..يوم فوزك فى الانتخابات هو اليوم اللى كل مصرى ح يعرف فيه ان وقت الصبر على المجلس العسكرى وعلى لجنة الانتخابات انتهى والاقنعة سقطت لتكشف كل الوجوه الدميمة القبيحة .. وحان وقت اشعال الثورة الحقيقية على الفساد والكذب والتضليل والغش .
بتقول ان العباسية كانت بروفة وعينة والجيش لم الليلة فى 5 دقايق ؟ طيب ماهوبردوا يوم 11 فبراير كان بروفة وعينة يا شفيق والشعب لم الزبالة فى خمس دقايق ..ولا انت مش واخد بالك ؟ تنجح بتزوير او حتى بعفاريت سواء انت او اى واحد من الفلول ..فالثورة جاية وباسرع مما تتصور .. وعينك ما ح تشوف الا نارها وابقى ورينا مجلسك العسكرى ح يتحمل نتائج التزوير ولا لا .
انت فاكر اننا مش عارفين انك وعصابة مبارك ومجلس العار وراء كل الحرائق فى مصر ؟ ولا فاكر ان عمليات التخريب والتجريف والنهب المنظم مش عارفين مين اللى وراها ؟ روح اسال محمود الحداد وانت تعرف يا شفيق واسال الشرفاء اللى فى الداخلية والجيش اللى منتظرين يشوفوا اخركم ايه مع الشعب .. واخرك انت جبته يا ابو الفلول ..وتهديد بتهديد ..مش ح تشوفها يا شفيق ..مش ح تشوف منصب الرئاسة الا على جثثنا يا وقح ..ناس معندهاش دم صحيح

0 اكتب تعليق على "احمد شفيق : أنت وقح"

  • شارك برأيك مرحبا بالاصدقاء الاعزاء يسعدنى زيارتكم وارجو التواصل دائما Hello dear "friends I am glad your visit and I hope always to communicate.